De Fluech vo de Unterbrächig
Sie wärded gäng tüüfer d'Dänkfältli im Gsicht,
sit fascht scho drü Mönet schriib ich amene Bricht.
Us allne Pore, triebts mir de Schweiss,
will immer no bin ich uf Siite eis.
Während ich formuliere es wünderschöns Sätzli,
s'Handy piepst. Isch's de Chund?
Nei, sisch mis Schätzli!
Aber mir müend abchlämme, s'Härz tuet eim weh, will s'Tischtelefon lüütet, de Chef meint er weli min Bricht hüt no gseh...
Das isch de Fluech vo de Unterbrächig, er macht üs allne und immer wider en Strich dur d’Rächnig.
Während ich da e so sing, macht de Computer scho wider: „Pling“
Ja, während mir herrgottschön singed, a allne Egge und Ände, Land uf Land ab und hinter de sibe Stellwände Klingel- und Piepstön erklinged.
> Live-Sequenz (Premiere mit Michelle Chang am Schrägen Mittwoch in Zug, 31. März 2010)